生意三級跳，阿棠都唔肯請人，仍然得三個員工。他說不是壓榨員工，而是工序簡單，以咖啡機沖及用打印機印相，連咖啡師都不用，「請普通店員比咖啡師平八千蚊，個部咖啡機十三萬，貴普通機兩倍。但好處係全自動，禁個制就出到咖啡。」

阿棠指那是由經營貢茶中學到的概念，珍珠奶茶在香港火速流行時，他加盟貢茶，插旗銅鑼灣世貿廣場，日賣二千杯奶茶。豬籠極速入水，兩個月後他已經決定開分店，「我係比較投機、進取。見生意咁好，九個月內開咗五間分店，最好賺係上環地鐵站附近，因為寫字樓多，單做外賣每日都有一萬蚊生意。」

兜一大個圈是解釋為何買貴機，「貢茶點解開得咁易？因為有部機，全部跟程序做，每個人沖到同一個味。」今次他亦是考慮將來會開分店，所以寧可買一部貴的咖啡機。阿棠做貢茶前試過在旺中開鋪，同樣搏命。「會考得兩分，唔想打工，所以同屋企人借幾萬蚊，同女朋友係旺中開女裝牛仔褲店。」

後來他轉型飲食，加盟貢茶兩年間勁賺二百多萬，後來另一熱潮乳酪雪糕興起，他食髓知味，轉做乳酪雪糕，但很快蝕讓，「乳酪雪糕半年開咗七十間，好快飽和。」之後他做過北角雞蛋仔、旺角摩豆，今次為要瞓身做Selfie Café，把心一橫將那些小生意賣盤。阿棠經歷過幾次潮流更迭轉換，深知香港人很貪新鮮，他預計熱潮會持續九個月，所以早早已經定好將來的發展，「依家已經做一間叫BU既公司傾，佢地有好多Marvel、迪士尼卡通license，有電影上映，就可以同佢地合作，食埋個條水。」