港大棄將賣波鞋 靠《星星》月賺20萬
今年二十三歲的吳梓歡(Theo)，二零一二年成功考入港大土木工程系，可惜Theo入讀不久已無心向學，最終第一年就因成績太差被港大踢出校！ 賦閒在家近一年的Theo，大半年仍未有正式工作，被父母嫌棄散工無保障。不過偶爾機會下，Theo在網上發現美國網站的New Balance波鞋與香港行貨價格差近四成，決定「膽粗粗」嘗試在Instagram轉售圖利，之後逐漸加入水貨波鞋行業。當時Theo父母對他的決定十分反感，更向Theo明言「一個仙都唔會俾你！」，但Theo最終仍堅持用信用卡入貨，入一對賣一對。 Theo看準香港人怕麻煩的心態：「除非係一直有追開波鞋款嗰啲人，其實好多人都係見靚就會問幾錢，唔會自己喺外國網站慢慢搵！」網店越來越多人留意，網上生意大概做了半年，生意越做越大，成功由網上店搬到實體店，十個月後更搬到大鋪，現時每月淨賺廿萬！ 上年「來自星星的你」大熱，Theo女友Sandy(馮蒨渝)，洞悉市場潮流，令波鞋生意大增：「好多人睇星星都會留意佢地化咩妝，我就留意著咩鞋，我見套劇咁受歡迎，就叫Theo預先入定好多金秀賢喺劇著過嘅一款Reebok波鞋！」Sandy透露，「星星鞋」深受年青人歡迎，最終更成為上年店內最暢銷鞋款：「呢款鞋我哋到目前為止賣咗三千對！」
紅磡熱狗店靠fb 九秒短片月賺八萬
上個月，Youtube、facebook及各大飲食論壇均熱傳一條短片，一大碗熱辣辣芝士淋在一份熱狗上，金黃色的芝士與鮮紅色的蕃茄醬混合時發出「滋滋」聲，令人食指大動。 「上個月十九號先放條片上網，之後嘅十日生意已經倍升，做咗廿五萬生意，我估今個月應該會做到五十萬生意！」情侶檔老闆、三十二歲的尹佩琪(Karena)及三十三歲的張君行(Brian)，亦大為意外。 雖然生意表面風光，但背後卻隱藏危機。現時兩人除了日做十五小時外，連婚期也被迫推遲，更重要是他們擔心熱潮過後生意不保。Karena於是從款色上落手，她故作神秘指，下個月會推出一款新產品，保持顧客新鮮感。Brian就認為不怕被人抄襲，更笑指：「做熱狗唔使學師，最重要係開鋪要好有毅力，日做十幾個鐘，而且最難係同供應商打好關係。」